Transcription
1
Monseigneur, tout presantement avons heu advertissement comment le sieur de Montbrum
2
sachemine avec ses trouppes pour se percher à Loriol et Livron, et ce que lon a peu
3
remarquer il meyne avecques Lesdiguières et Champolyon et aultres gentilzhommes
4
qui peuvent estre environ troys centz chevaux sans Glandage, et ce que peult
5
faire monsieur de Mirabeau avec quatre centz ou cinq centz arquebuziers,
6
et leur desseing est dempecher joindre voz forces. Le comte que vous a parlé
7
est aveques eulx et ne leur persuade de recepvoir trefve ne paix. Le sieur de
8
Roysses et aultres sont allés à Nysmes à quelque assemblée quilz font. Ilz
9
prenent pyoniers de toutes partz en grand nombre pour fortiffier les
10
susdits lieux ou achever aultres entreprinses, et font courir ung bruict que
11
le roy sest saulvé dedans Paris, et que le seigneur de Guyse est mort.
12
Affin dy pourveoir sellon votre sagesse, vous avons bien vollu donner
13
cest advertissement. Le mulletier duquel nous parlastes est en ce lieu.
14
Il vous plarra en ce commander votre vollenté, à laquelle desirons obeyr
15
de tel debvoir que Dieu nous le commande, luy supliant nous
16
donner sa paix, et à vous,
17
monseigneur, très heureuse, bonne et longue vie. Du Crest ce XIX mars
18
1574
19
Vos très humbles et très obeyssantz serviteurs
20
Les consulz du Crest, Bruyere [paraphe] consul
21
En oultre, monseigneur, hier vous mandames par votre
22
trompete que le desseing des ennemys estoit de semparer
23
de Marsane et Chabeul, et que naviés aulcung desseing
24
à exequuter chose qui ne fut redit et rapporté par ung
25
des votres ausdits ennemys. Si nous le scavions nous
26
vous le dyrions, et craignant que votredite trompete
27
neust oblié de le vous dire, nous avons bien vollu
28
ycy adjouster ce mot. Nous avons receu la munition quil
29
vous a pleu nous envoyer de laquelle vous mercions
30
très humblement. Aussi avons entendu quil y a quelques femmes
31
de Livron qui vont à Vallence, lesquels mènent quelque
32
tradiment et nous ont dict quon visitat celles que yront
33
par le bas de leurs robes où elles portent leurs advertissementz
34
audit Vallence